KONTZERTU IBILTARIA
2018-05-09
Datorren ostiralean, kontzertu berezi bat eskainiko dute musika eskolako ikasleek. Iaz izan zuen arrakasta eta gero, aurten ere “Kontzertu Ibiltaria” errepikatuko dute. Kontzertua Musika Eskolako atarian hasiko da, eta BetiSua txarangarekin kalejiran irtengo gara. Herriko hainbat txokotan geratu egingo gara eta txoko bakoitzean musika talde desberdin bat entzuteko aukera izango dugu. Kontzertua Musika Eskolako atarian bukatuko da “Alabastro Freaks” eta “Watermelons” taldeen emanaldiarekin.
